| تبليغات | X |
ن. ئیبراهیم کۆنهپۆشی
کاتژمێر له دوانزهی نیوهرۆ نزیک ببوهوه، هیچکام له ئێمه نه نان و نه ئاو تهنانهت هیچ خواردهمهنی و خواردنهوهیهکمان نه خواردبو و نهخواردبوهوه، ههوا گهرم بوو، ئێمه ماندو، ترس له گیان، دهنگی تهق و پۆقی فیشهک و نارنجۆک و خومپاره و تۆپ میشکی ماندو کردبوین، هاوڕێیانمان لهو بهر نه تهنیا گیریان کردبوو بهڵکوو به هۆی ئهوهی هێزی دوژمن نهکهوتبوه ئهو لایان بهر دهوام له ژێر ئاگری تۆپ و کاتیۆشاکاندا بوون و هێزهکانی جاش و پاسداریش پهیتا پهیتا پهلاماری هاوڕێیانیان ئهدا.
لهپڕ له بێسیمهکانهوه راگهیاندرا فهرماندهی دهستهکهی ئهوبهر * هاوڕێ ئهم ، پ* لاقێکی بریندار بوه به چهشنێک که ئیتر ناتوانێت به سهر پێوه ڕا بوهستێت، له هاوڕێی پزیشکیار،/ ه. م* بارو دۆخی ئهو هاوڕێیهمان پرسی، وڵامی دایهوه به داخهوه فیشهکێک له بن ڕانی داوه و ئێسقانی ڕانی گرتوه، دهبێت به پهله بگوازرێتهوه بۆ خوارۆ بۆ لای هاوڕێان و بۆ جێگایهکی ئهمنتر که لانی کهم له چنگی.......
ن. ئیبراهیم کۆنهپۆشی
له ههموو لایهکهوه دراینه بهر دهست رێژی ههموو جۆر چهکێک، مهجالمان نهما، ئێمه که سهر قاڵی سهر شۆردن بوین وخهبهر بوین پهشۆکاین، نهمانه زانی چی بکهین وچۆن بکهین، له سهر پۆستی دیدهبانییهکهیشهوه دهنگی تهقهیهکی یهکجار خهست دهستی پێ کرد، ههموو هاوڕێیان ژڵه ژان، چاوهروان نهکراو بوو، سهرنج بده له گۆشهیهکهوه برۆیت کهسێک له نهدیودا وشوویهک بکات له ئینسان، کهسی وشوو لێکراو ئه پهشۆکێت و ماوهیهک کاتی ئهوهێت تا بێتهوه سهر خۆی ئهمه له کاتێک دا که پشوو لێکراو دڵنیایه به پشوویهک نامرێت ونای گرن ونای کوژن ئێسه به جیاتی پشو به تهقهی نارنجۆک وئارپیجی وتیرباری قهناسهو وژ 3 و کڵاش و ههموو جۆر چهکێکهوه کتووپڕ لهخهوت ههڵسێنن، چ دۆخێکت ئهبێت؟
کهناوێکی چکۆله له پاڵ ئاگرهکهدا بوو تهنیا ئهوهمان زانی خۆمان ههڵبدهینه ناو کهناوهکه، داوێنی دوو تیره شان ئه هاته سهر ئهو دۆڵه که ئێمهی تێدا بووین،هاوڕێیان کهوتنه خۆ، له لای دیدهبانییهکه شهڕێکی سهخت دهستی پێکرد له نێوان هاوڕێیانی دیدهبان وهێزهکانی رژیم دا، له لای خۆمانهوه تهنیا کهسێک که هاته دهست وئهتوانم بڵێم مهودایهکی بۆ کردینهوه یهکێک له هوڕێیانی کچه پێشمهرگه بوو، ئهم هاوڕێ کچه پێشمهرگهیه پێشتر نووستبوو، چهک ورهختهکهی لهبن سهری نابوو، ههر که بهدهم تهقهکهوه خهبهری بوهوه، چاوم لێ بوو، یهک ڕاست ڕهختهکهی له سهر دهستی ناو چهکهکهی ههڵگرت وبه تهقه کردن رووبه دهوهنهکان.................
ن. ئیبراهیم کۆنهپۆشی
ماوهی مانگێک بوو له پشت ولهژێر مابووینهوه، لهو ماوهیهدا به سهدان کهس ههر کهسهو بۆ مهبهستێک و کارێکی تایبهت سهردانیان کردبوین، بنهماڵهی زۆرێک له هاوڕێیان هاتبون بۆ چاو پێکهوتنی رۆڵهکانیان، کاتێک ههر کهس که تازه ئههات بۆ لامان و چاوی لهو دۆڵه ئهکرد بۆ چرکه ساتێکیش بوه ههستی بهوه ئهکرد که ئیتر دهوڵهت نه ماوه، ئهنا چۆن ماوهی مانگێکه ئاوهها پێشمهرگه نهترسانه و بێ باکانه به ئاشکرا له چهند کیلومهتری مهریوان دهمێننهوه؟
بنکهی ههر واحدێک به بیانوی کارێکهوه قهره باڵغ بوو، کۆمهڵێکی زۆر له خهڵکی ناوچهکه نهخۆش بوون، بۆ چاره سهری نهخۆشینهکانیان سهردانی بهشی پزیشکی گوردانیان ئهکرد و هاوڕێیانی ئهم بهشهیش له هیچ هاوکارییهک لهگهل خهڵک درێغیان نه ئهکهرد، بهم بۆنهوه بهشی پزیشکی به گهڵا و ههژگ بنکهیهکیان بۆ خۆیان درووست کردبوو.
له بهشێکی تردا هاوڕێیانی بهشی رێکخستن بهر دهوام سهر قاڵی کار وباری رێکخستن وپێوهندی گرتن و چاو پێکهوتنی ئهو هاوڕێیانه بوون له بهشی نههێنی و دۆستانی کۆمهڵه که ئههاتن بۆ سهر دانی بهشی رێکخستن، ئهم بهشهیش شوێنی تایبهت به خۆیان بۆ دیاری کرابوو به چهشنێک که دۆستان ولایهنگرانی کۆمهڵه له بهشی نههێنی کاتێک ...................
ن. ئیبراهیم کۆنهپۆشی
ولهژێر ئاواییهکی گهورهی ناوچهی مهریوانه که ههڵکهوتوه له بهرانبهر مهریوان له بناری زرێبار، ولهژێر ئاواییهکه تایبهت مهندی خۆی بوهو ههیهتی، لهم ئاواییهدا کێشهی خان وبهگزادهکان لهگهل جوتیاران له سهر خاوهن دارێتی زهوی و زار به درێژایی تهمهنی پهیدا بوون خان ومالک درێژهی بوه، زۆرێنهی خهڵکی ئهم ئاواییه خهڵکانێکی شۆڕش گێر وشۆڕش دۆستن، ولهژێر له داوێن زنجیره کێوێک دا ههڵکهوتوه که لکاوه به شاخی به ناو بانگی میراجییهوه، له ولهژێرهوه ناوشاری مهریوان دهبینرێت و مهودای نێوان ولهژێر ومهریوان دهشتاییه، له ولهژێرهوه ئاواییهکانی کاڵی خواروو، کاڵی ژوورو، بالک، دهرزیان، کانی دینار، جوجه سازی بهر قهڵا، ریخهڵان وکهڵکه جان دیاره و گهوره دێی نێ له 3 کیلومهتری ولهژێر ههڵکهوتوه، له دیوی پشتوی کێوهکانی پشت ولهژێر ئاواییه کانی وهسیه، سیانا، تووتمهر، ئهسکۆڵ و چهند ئاوایی تر ههڵکهوتوه که له بهرانبهر ئهوانیش دا زنجیره کێوی سهخت وبهرداوی سوورێن به پێوه وهستاوه.
پاش ئهو شهڕه سهختهی کانی خهیاران، گوردانی کاک فوئاد له ناوچهی شامیان دهستی دایه جهولهیهکی بههێز و ههر وها له دهوروو بهری مهریوانیش به قودرهتێکی زۆرهوه خۆی نیشان دا بهچهشنێک، که هێزهکانی رژیم تووشی سهر لێشێواوی بووبوون، پاش چهند روژێک لهو جهولهیه له پشت ئاوایی ولهژێر لهشوێنێک به ناوی کانی خوگان .............
نوسینی: ئیبراهیم کۆنهپۆشی
شانسی گهورهی ئێمه له سهرهتای ئهو شهڕهدا لهوه دا بوو که پێش ئهوهی هێزهکانی رژیم تهقهمان لێبکهن به بارو دۆخی خۆمان زانی و ههستمان بهشتێک کرد و کهوتینه خۆ، به خێرایی ئارایش گیردرا و دیاری کرا کام واحد بهرهو کوێ بڕوات و کام بهرزایی بگرێت وئهرکی واحد و تاکهکان دیاریکرابوون.
لهشی کردنهوهی ئهرکهکان له لایهن بهر پرسانی نزامی واحدهکه تهووا بوبوین و ههر واحدهی بهرهو شوێنی بۆ دیاری کراوی خۆیان ئهرۆیشتین، لهم کاتی خۆ رێکخستن و رێکهوتن بهرهو شوێنه دیاری کراوهکاندا بوو که لهگهل گهمارۆی هێزهکانی رژیم بهرهو روو بوین و زانرا که دهورمان گیراوه، تا کاتی شی کردنهوهی بارو دۆخهکه هێشتا ههمو شتێکمان له روی وههم وگومانهوه بوو، دڵنیا نه بوین که هێزی دوژمن زانیبێتی به بوونی ئێمه لهو ناوچهیه، ههر وهها له بێ ئاگایی دوژمنیش سهبارهت به خۆمان دڵنیا نهبوین، ئهم خۆ رێکخستنهی ئێمه تهنیا بواری ئهحتیاتی ههبوو، چوون به راستی نهمانه زانی ڕهشی خۆی تهحویل داوه، یان چی به سهر هاتوه، ئهوهی که ئێسته لێرهدا ئهنووسم خۆی تهحویل دابوهوه و ههمو زانیارییهکی سهبارهت به ئێمه به هیزهکانی رژیم دابوو کۆمهڵێک زانیاری بوون که دوای ئهو کارهساته وه دهستمان کهوت و لێی ئاگادار بووین.
واحدهکان به وریایی بهڵام له ئهو پهڕی ماندویهتی و تونیهتیدا ههر کامهو بهرهو شوێنی پێسپێردراو وهرێ کهوتین، دڵخۆش بوین بهڵکو کارهساتێک و رووداوێک روو نهدات تا درهنگانێک له رۆژ و کاتی فێنک داهاتن یان تاریک داهاتنی رۆژگار، بارو دۆخی تهندروستیمان بهرگهی رووداوێکی نه ئهگرت........
نوسینی: ئیبراهیم کۆنهپۆشی
پێداچوونهوه
: دیار تازیک
ئێمه دهبوا رێگای ناو قهرارگاكهمان ببڕیایهت و له پشت قهرارگاكهوه كه كێوێكی بهرز بوو بڕۆیشتینایهته سهر، بهر لهوهی دهست بدهینه كێوهكه ئاومان پهیداكرد، رۆیشتنمان له بیرچوهوه، زۆر دهمێک بوو تامهزرۆی دیتنی ئاو بووین، بهو دوو رۆژه به قهد تهمهنێكی زۆر پێستمان وشك بووبوهوه، واحدهكهی ئێمه كه له پێێشهوه بووین، له هاوڕێیاینی تر دوور بووین دهستمان كرد به ئاو خواردنهوه، ههر چیمان دهخواردهوه توونیهتیمان نهدهشكا، تهنیا سكمان ههڵدهماسی، رێگاكهمان له نێو قهراگاكهوه بڕیبوو، بۆیه كاتی هاتن دهبوا زۆر وریا بین، خشهمان نهیهت بهو هۆیهوه و ئهوهی كه ئیتر هێزی رۆیشتنیشمان نهمابوو نهمانتوانیبوو رێگای زۆر ببڕین، هێشتا رێگایهكی دوور بهڵام بهرهووژوركهی سهختیشمان مابوو بیبڕین، ماوهیهكی زۆریش به ئاو دهرهێنان لهو بیرهو خواردنهوهی ئاو سهرقاڵ بووین، كاتمان لێ كهوتبوه دێر، شهوگار هێندهی نهمابوو، دهبوا به زوویی.....................
نوسینی: ئیبراهیم کۆنهپۆشی
پێداچوونهوه: دیار تازیک
ڕهشی، ههموو زانیاری و ههواڵێكی له بارهی ئێمهوه دابوو به هێزهکانی رژیم، بۆیه هێزهكانی رژیم زۆر به باشی دهیان زانی كه ئێمه چهنده ماندو و برسی و تونین، هێزمان له بهر بڕاوه، ناشارهزاین، به كورتی ئهو زانیاریانهی بۆ هێرشێكی نزامی پێویست بوو دوژمن به باشی دهی زانی، تهنانهت لهوهی هه رواحدهی هین ناوچهیهكه و شهوی پێشتریش فهرماندهی كاروانهكه كه له مهریوانهوه هاتبوون گوم بوه.
ئیمه ههر که زانیمان دهورمان گیراوه به زوویی خۆمان ئاماده كرد بۆ بهرپهرچ دانهوهیان و تهنانهت هێرش كردنه سهریشیان، بۆ شکاندنی گهمارۆکهیان، بووین به چهند دهستهوه، دهستهی ئێمه پێک هاتبوین له 5 کهس.
ئێمه هێرشمان کرده سهر تیرهشانێک که دهیڕوانی به سهر جادهی کانی خهیارانداو له ماوهیهکی کورت دا هێزی دوژمنمان بهرهو ناو مۆڵگهكانیان راونا، له شوێنهكهیان جێگیربووین، چهند کهلاکێک له دهوروبهرمان کهوتبوو، شهڕهکه له چهند قۆڵهوه دهستی پێکردبوو، له لایهكی ترهوه هاورێ قادر ماراویی له گهل دهستهکهی تاکوو چهند میتری ناو مۆڵگهی پاراستنی تۆپخانهی کانی خهیاران پێشڕهوییان كرد، به داخهوه ههر لهوێ ......................
گێڕانهوهی: شوانه ولهژێری
نوسینی: ئیبراهیم کۆنهپۆشی
پێدا چوونهوه: هاوار بانی خێڵانی
کۆتایی مانگی پووشپهر له هاوینی 1366 هه تا ویی بوو، سهر له ئێواره یهکی زودا که هێشتا ئهستێرهکان له ئاسمانی ئهم نیشتیمانه به درهوشاوهیی خۆیان نیشان نهدابو، باڵندهکان ههریهکهو بۆ لانهکانیان له شهقهی باڵیان ئهدا، چهوساوانی کوردستان به جهستهی ماندویانهوه رو به خانه خۆێ ساردو سرهکانیان بوبونهوه، پۆلێک له هاورێیانی شارهزا له سنووری مهریوان بۆ شارهزور، لهلایهن (ك . ن . م) ، بانگهێشت کراین، ئێمه له پهلی شههیدانی كۆماسی سهر بهگوردانی کاک فوادبوین.
دوای كۆبوو نهوه یهكی چهند خولهکی پێیان راگهیاندین 2 لههاوڕێیانی پێشمهرگهی ناوچهی سنه و مههاباد بریندارن، به برینداری دهیان هێننه پشت گاگل، ئه وبریندارانه پێشمهرگهی كۆمهڵهن له تیپی11سنه وگوردانی 24 ی مههاباد، دهبێ ئێمه به زووترین کات
چووین بۆگرتنی مۆڵگه ی هیزه كانی رژیم لهئاوایی كهڵكه جان هه ڵكه وتوله7 كیلومیتری مه ریوان له بناری زرێبار، لهبهرههندێکهۆکار نه مان توانی ئه ومۆڵگه یه بگرین، هیزه كانی رژیم له ئامادهباشدا بوون و هێزێكی زۆری له ئاواییه كانیدهورووبهری کهڵکهجانوهک وله ژێر، نێ و كاڵ و رێخه ڵان جێگیر كردبوو، به شه ڕوتێك هه ڵچوون له گه ل هێزه كۆمه كییه كانی رژیم به3برینداره وه پاشه كشهمان كرد، له وشه ڕه دا 3 هاوڕێمان برینداربوون، یه كێك له هاوڕێیان ته ركشی نارنجۆك له ناوسكی دابوو، كه پاش تیماركردنی له لایه ن به شی پزشكییه وه له مه ترسی نه جاتی بوو، برینداری دووهه م له كاتی پاشه كشه دافیشه كی قه ناسه له چه ناكه ی دابوو كه ئه ویش له لایه ن به شی پزشكییه وه چارهسه ركرا، به ڵام برینداری سێهه م هاوڕی حوسه ین هوشیاری كوری موحه مه د ئه مین خه ڵكی ئاوایی باشماخ كه له ناو كۆمه ڵه دابه حوسه ین بیلو ناسرابوو زۆ به توندی برینداربووبوو.
هاوڕی حوسه ین23 تیكه ی نارنجۆك لێی دابوو، ده نگی ته قینه وه ی چه ندنارنجۆكی هێزه كانی رژیم پێكه وه زه ره ری به مێشكی گه یاندبوو، هاوڕێ حوسه ین ده ست به جێ به هۆی زه ربهكه وتن به مێشك ودهمارهکانی مێشکییهوه بینایی چاوێك وجموو جوڵی لاقێك و ده ستێكی له ده ست دابوو، جیاواز له وه یش 23 تیكه ی نارنجۆك به
نووسهر: ئیبراهیم کۆنهپۆشی
پێداچوونهوه: دیار تازیک
پاش گهمارۆ یهک رۆژهکهو و گهڕانهوهمان بۆ بۆ ئۆردووگای چناره و ههڵسهنگاندنی ئهو مهئمووریهتهی واحدی شناسایی، کومیتهی مهڵبهندی جنووبی کوردستان بڕیاری دا هێزێکی زۆر، پێکهاتو له هاوڕێیانی گوردانهکانی شاهۆ سهر به ناوچهی کامیاران، گوردانی ئارێز سهر به ناوچهی ژاوهرۆ و گوردانی شوان سهر به ناوچهی سنهو گوردانی کاک فواد سهر بهناوچهی مهریوان بۆ درێژهی چالاکییهکان بنێرێتهوه بۆ ناوچه داگیرکراوهکانی ژێر دهسهڵاتی کۆماری ئیسلامی، ئهم کاروانه گهورهیه دهبوا سنووری نێوان ئێران و عێراقمان ببڕیایهت و خۆمان بگهیاندایهته ناوچهی مهریوان، دواتر ههر واحد و گوردان بهرهو شوێنی چالاکی خۆی بڕۆیشتایهت.
بۆ ئهم مهبهسته رێگا و کاتی رۆیشتن دیاری کرا، ئهو هێزه گهورهیه به ههمو کهرهسهیهکهوه خۆی تهیار کرد.
ماوهیهک لهوه پێش له سنووری حاجی ئۆمهران له نزیک پیرانشارهوه چهند سهد کهس کاروانچی خهڵکی ناوچهکانی رۆژههڵاتی کوردستان بۆ دابین کردنی بژێوی ژیانیان که خهریکی کاروانچێتی بوون له سهر سنوورهکان، خۆیان گهیاندبوه باشووری کوردستان، له کاتی گهڕانهوهیان بهرهو ڕۆژههڵاتی کوردستان، به هۆی شهڕی نێوان ئێران و عێراقهوه سنوورهکان بهسترابوون به چهشنێک که کهس به سهڵته زهلامیش نهیدهتوانی هاتوو چوو بکات نهخوازهڵا به هێستر و ئهسپهوه، ئهم کۆمهڵه کاروانچییه له باشوور له نزیک سنوورهکان به بێ دهرهتان و بێ کهس دهمێننهوه، مهترسی ئهوهیان له سهر بوو که ئهرتهشی عێراق پێیان بزانێت و هێرش بکاته سهریان و دهست بهسهریان بکات، ئهو کات دهستی به سهر کهلوو پهلهکانیانا وهک دهست کهوت دهگرت و خۆشیانی وهک دیل که لهشهڕی نێوان ئێران عێراق دا گیراون بهڕێ ئهکرد بۆ گرتوو خانهکانیان، دواتر چارهنووسی ئهو خهڵکه چی به سهر ئه هات نادیار بوو، یهکێک له حیزبه کوردیهکانی رۆژههڵات بهو ماجهرایه ئهزانێت، ئهزانن که ئهوا خهڵکانێکی زۆر کاروان چی له سهر سنوور گیریان کردوه، دهستیان به ئاسمان ناگات و لاقیشیان له عهرز بڕاوه، بهرهو ئێران ناتوانن بڕۆن له ترسی مین و هێزهکانی ههر دوولای شهڕ، چونکه ههر دوولا به خهستی سهر قاڵی شهڕ بوون
نووسهر: ئیبراهیم کۆنهپۆشی
پێداچوونهوه: دیار تازیک
له ڕووی داچوونی خۆرهوه ئهمانزانی كه دهبوا دوای عهسر بێت، هێزهكانی ئهرتهش ههر به تهقوپۆق خهریكی گهڕان بوون به دوای ئێمه دا. گهرما، توونیهتی، برسێتی، وریایی، ترس، چاوهڕوانی تا ڕادهیهكی زۆر، به خهسار چوونی رهنجی مانگێکمان و ناهومێد بوون لهو رێگایه بۆ رۆیشتنهوهی کاروانیپێشمهرگه، تینی له له شماندا بڕیبوو. ئهوهی كه لهو چاوهڕوانیهدا ڕایگرتبووین تهنیا بیر و باوهڕمان بوو، به خشهی مار و مێروو، به چریكهی مهل وپهلهوهر، به دهنگی تهقه، به ورهی ئهو هێزانهی كه له نزیكمان بوون و هاتوو چوویان دهكرد، بهر دهوام دادهچڵهكاین.
سهربازهكهیش له بهرانبهرمانهوه وهك قهرهوێڵهیهك ڕاوهستابوو نهیدههێشت ئهو كهسانهی كه لهو بهرانبهرهوه تێدهپهڕین بۆ چرکه ساتێكیش بوهستن، به جۆرێك ئهگهر كاتێك سهربازێك بهاتایهت زۆر به خێرایی دووری دهخستهوه. به شێوهی قسه کردنیدا دیار بوو که تورک بوو، ئێمه تهنیا چاوهڕوانی شهڕو له ئاكامدا درهنگ یان زوو تیاچوونمان بووین.
سێبهری دار و درهخت و ورده ورده كهژ و كێو به سهرماندا دههات، ههرچی سێبهرهكه خهست تر دهبووهوه ئێمه زیاتر دڵمان روون دهبوهوه، دهمانزانی ئهوه نیشانه ی ئاوا بوونی خۆره، نیشانهی نزیك بوونهوه له تاریكی ههوا بوو، ههوا ورده ورده بۆی نا به تاریكیهوه، تۆزێك تینمان تێ هاتهوه، ورده ورده سهرمان كهوته جمووجوڵ رووبه لای یهكترین، ئیتر خهیاڵی ئهوه دههات به مێشكماندا كه كاتی ئهوه هاتوه بێدهنگییهكه بشكێنین و پێكهوه قسه بكه ین.
تۆزێك ههوا تاریك ببوو دهمهو ئێواره بوو، ئهو جار دهورو بهرمان بێدهنگیهكی سامناك به سهری دا زاڵ بوو، دهنگی تهقهكان له ئێمه دوور كهوتبوونهوه، له لاسهرووی چنارهكان دهنگی
نووسهر: ئیبراهیم کۆنهپۆشی
پێداچوونهوه: دیار تازیک
كاتێك هاوڕێی فهرماندهمان كه پێیان زانیبوو، گهڕایهوه لامان دیمان پهشۆكاوه، دهیویست به جۆرێك ئێمه حاڵی بكات كه به وره بین، دهیویست وا نیشان بدات شتێكی زۆر گرینگ نیه، بهڵام له ههمان كاتیشدا دهبێت وریای خۆمان بین، به پهله كۆ بووینهوه، دهستمان كرد به تهكبیر كردن كه چی بكهین و چی نهكهین، كهوتینه ههڵسهنگاندنی خۆمان، دڵنیا بووین كه دهر چوونمان زۆر ئاستهمه، ههر كامهمان پێشنیاری كارێكمان دهكرد، یهك دهیوت تا ئاخر فیشهك شهڕ دهكهین، یهك دهیوت تا هێزهكانی رژێم نهكهوتوونهته خۆ ئێمه هێرش بكهینه سهریان، هێنده فیشهكمان پێ نهبوو، سهرهتای رۆژ بوو كاتژمێر 9 و نیوی سهرلهبهیانی، 10 تا 11 كاتژمێر دهبوا خۆمان ڕا بگرتایهت تا لانیكهم تۆزێك ههوا تاریك دادههات، ههرچی رێگا بوو بیرمان لێ كردهوه، له ناو بێشه چنارهكه نهماندهتوانی بڕۆینهدهر چونكه به ههر دوو لای بێشه چنارهكهدا دهشتایی رووت و قووت بوو، له ههموو لایهكهوه دیار دهبووین، دونیامان لێ هاتبوه یهك، ههموو هاوڕێیان بڕیارمان دا كه تا ئاخرین فیشهك شهڕ دهكهین و خۆمان به دهستهوه نادهین مهگهر جهنازهكانمان بكهوێته دهستیان، قۆلمان لێ ههڵماڵی بۆ بهربهرهكانێ، بۆ رزگار بوون له چنگی مهرگ، بۆ دهرباز بوون له ئهگهری شهڕ. تا ئهو كات ههموو 15 خولهک جارێک له گهل ئهو دوو هاوڕێیهی كه له حهشارگهكهی دوێنێ شهوماندا مابوونهوه له رێگای بێسیمهوه پێوهندیمان ههبوو، ئهوانیش هیچیان له دهست نهدههات، له وهزعهكه ئاگادارمان كردن، ئهوان زۆر نیگهرانی ئێمه بوون، نهیاندهتوانی بێن بۆ یارمهتیمان، ئێمه له شوێنێكدا گیرمان كردبوو كه له نێوان دوو ئهرتهشی دوو وڵاتی دڕی دڕندهدا بووین، ئهو بێشه چنارهی ئێمه تێیدا بووین بهرهو خوار نهماندهتوانی بڕۆین چونکه له 100 میتر خوارتر خۆمانهوه قهرارگای ئهرتهشی ئێران بوو، بهرهو ژووریش رێگای دووروو درێژ كه له كۆتایی بێشه چنارهكان له بهر ئاوایی بناوهسووتهو نزیك بایهوه ههر دهچووینهوه ناو قهرارگای
گهمارۆیهكی یهك ڕۆژه
نووسهر: ئیبراهیم کۆنهپۆشی
پێداچوونهوه: دیار تازیک
ساڵی 1366ی ههتاوی بوو، ماوهیهک له وهرزی بههار تێپهڕی بوو، هێزی پێشمهرگه نهیدهتوانی بۆ جهوله كردن بڕواتهوه بۆ ناوچه داگیركراوهكانی رۆژههڵاتی كوردستان، ئاخر ماوهیه ك بهر لهوه شهڕی نێوان ئێران- عێراق له سنوورهكانی كوردستان به توندی ڕووی دابوو، ئێمهش دهبوا له سهر سنوورهكانهوه رێگامان ببڕیایهت. له شهڕهکانی ئهو ماوهیهیهی نێوان ئهرتهشهکانی ئێران و عێراقدا له سهر سنوورهكانی كوردستان له چهكی شیمیایی كهڵك وهرگیرا بوو، هێزێكی زۆری دوو لایهنی شهڕ که ههر دوولا تا ددان به چهک وکهرهسهی شهر تهیار بوون، له سهر سنوورهكان جێگیر ببوون و له بهرانبهر یهکدا ڕاوهستابوون. له ههندێك شوێن ئهملاو له ههندێ شوێنی تر ئهو لایهنی شهڕ پێشڕهوییان كردبوو، ههر دوو لا تا توانیبوویان بهردهم خۆیان بۆ بهرگری له هاتنه پێشی لایهنی بهرانبهر مین رێژ كردبوو. ئهو دوو هێزه دڕندهیه له بهرانبهر یهك، زۆر به وریاییهوه ڕاوهستابوون. له سنوورهکان تهنیا بۆنی بارووت و سووتهمهنی و تهرمی به جێماوی ههر دوولا، که له بهر خۆرهتاودا بۆنیان کردبوو دههات. بێدهنگییهکی سامناک به سهر ناوچهکه دا زاڵبوو، دهنگی ئینسان نهدههات له کاتێک دا ئهو ناوچانه به درێژایی سنوورهکانی نێوان ئێران و عێراق پر بوون له ئینسان که تهنیا بۆ کوشتنی یهکترین له بهرانبهر یهکدا راوهستابوون و ههر لایهنێک بۆ ئهوهی زۆرتر له لایهنهکهی تر بکوژێت یان ئهوهی لایهنی بهرانبهری نهتوانێت بیانکوژێت خۆیان مت و مات کردبوو، تهنیا دهنگی تهقهی فیشهک و تۆپ دههاته گوێ که وهک ههڵۆی مهرگ به سهر ههموو گیان له بهرانی ناوچهکهدا دهگهڕا و به دهنگی رهقی تهقهمهنی خورپهیان له دڵی ههر گیان له بهرێک ههڵدهستان.
به ههرحاڵ له سهر سنوورهكان كهشوو ههوایهكی زۆر خۆفناكی ترسێنهر زاڵ بوو، ههموو شوێن پڕ بوو له تهرمی كوژراوانی دوو لایهن، كهسیش نهبوو یان نهیاندهویست كۆیان كهنهوه، ئهمهش كهشو ههواكهی بۆ كهسانێك كه لهو شوێنه مهترسیدارانهوه دهبوا تێپهڕینایهت زۆر ناخۆش تر كردبوو،
لهم رۆژانهدا تێکۆشهرانی ئهو حیزبه له بهشی ڕاگهیاندن لینکی ههواڵێکیان له سهر فهیس بوک دانابو، سهر دێڕی ههواڵهکه، جاشی به ناوبانگ هیوا تاب له لایهن کۆماری ئیسلامیهوه دهسبهسهر کرا، من ئهو ههواڵهم پێشتر بیستبو و له وبلاگهکهی خۆم دابڵاوم کردبوهوه، بڕیارمدا جارێکیتریش بی خوێنمهوه، لهناو ههواڵهکهدا ههندێک شت بهڕاستی جێگای سهر سوڕ مان بوو، ههندێک چهواشه کار ی تێدا کراوه، له کۆتایی ههواڵهکهدا هاتوه ...........
حدک ئهبێت وریا بێت له راگهیاندنی خۆیدا، نهک به چهشنێک وهک گوڵه بهرۆژه لهههر لا خۆر ههڵات روی تێبکات، ههر ئهو جاشه/حهمهی تاب/ که ئێسته حدک وهک سیخور ناوی لێ ئهبات و به شانازیهوه باس له بهسزاگهیاندنی ئهکات، ئهو کات حیزبی دیموکڕات راگهیاندنی بڵاوکردهو ه که حهمهی تاب کادر وئهندامی لێهاتو وتێکۆشهری ئهوان بوه، دواتر و ههر ئێستهیش ناوی له لیستی شههیدانی حیزبی دیموکراتدایه، جا منی خوێنهر و خهڵکی بیسهر و خوێنهری راگهیاندنهکانی حدک حهقمانه بپرسین که ئایا حهمهی تاب جاش بو یان باش؟ شۆڕشگێر بوو وشههیدی حیزبی دیموکراتهیان نه؟ ئهگهر سیخوڕه بۆ ناویتان خستوهته ناو لیستی شههیدانتانهوه؟ ئهگهر باش بوهو تێکۆشهری ناو ریزهکانی بهشی نههێنی حیزب بوه بۆچی نووسیوتانه سیخوڕ؟
خوێنهری بهرێز ئهوهی که له خوارهوه دهی خوێندنهوه به سهر هاتێکی راستهقینهی ژنێکی تهمهن 28 ساڵانه له یهکێک له شارهکانی رۆژههڵاتی کوردستان له بهر ....
نزیکهی 39 ساڵه، کهڵه پیاوی شۆرشگێر، داهێنهری شهڕه چریکییهکان، ڕێبهری بزوتنهوه شۆرشگێرانهکانی ئامرێکا، خۆشهویستی ههژارانی دونیا، له ناومان دا نهماوه ....
ئهو نووسراوهی خوارهوه دهقی قسه و باسێکه له گهڵ
کرێکارێکی دهوری مهیدانهکان. من تێکۆشاوم ئهو شتانهی که
له ناو کۆمهڵگای ئێمه دا بوونهته ئازاری ڕۆژانهی
خهڵکانی ههژارو چهوساوه وهک پرسیار ئاراستهی ئهو
کهسهی بکهمهوه ....
خۆر لهئاسۆی سوور شهوق دهداتهوه دهڵێن ئهمساڵێش نهورۆز هاته وه.
سالی ۲۷۰۹ كوردی و نـه ورۆزتـان پـــیرۆز بـێت.
چـۆن یـادی منـت کـردهوه.....
وات ئهزانـی وهکـو جـاران لهلاتـم....؟؟؟
چـۆن دهستت هـێنابـهسـهرما...
چـۆن لهباوهشت گرتـم...؟؟؟
بـۆ تـهمـهن درێـژی من
کــام دوعـایـهت بـۆکردم..؟؟؟
بـابـه من تـۆم زۆر خـۆش ئـهوێ...
به داخهوه له ناو ئێمهی کورد دا باوه که تا زیندوین رێز لهیهک نهگرین وخۆشهویستیمان بۆ یهک نهبێت، به جیاتی خۆشهویستی وحورمهت گرتن له یهک کارمان دهبێته قسه کردنی پشت ملهو بهغێلی بردن به یهک و سووکایهتی کردن و شکاندن وتۆمهت و بوختان ههڵبهستن بۆ یهک، یان لهو ئهو پهڕی مێهرهبانیدا ئهوهیه که به لهبهر چاو گرتنی ههمۆ دۆستایهتی و خزمایهتی پێکهوه تا زیندوین لێک بێگانهین و هاتو چونهکانمان ساردن و لێک دوره پهرێز دهوهستین بهڵام ههر که یهکێکمان مردین لایهنی بهرانبهر مان که خزم و دۆست و ئاشنای نزیکن، دهست دهکهن به فرمێسکی ناحهق ڕشتن و بیرهوهری گێرانهوه له مردوی کۆچ کردو .ههر کهس تێ دهکۆشێت که وا نیشان بدات له کهسانبیتر به مردوه کهوه نزیکتر بوه.حهز دهکهم لهم بواره دا چهند نمونهی بچوکتان عهرز کهم .
بۆ خوێندنهوهی درێژهی بابهتله سهر ادامه مطلب کلیک بکه
له به ر ده ردی غه ريبی و ژانی دووری
له دل دا نيمه ساتيکيش سه بووری
په روشی چاره نووسی خه لکي کوردم
له حه سره ت حالی کورد داماو و وردم
هه تا کهی ئه م گه له خوشی نه بينێ
که ساس و ده ر به در تالی به بينێ
شه مال تۆبی و کزه ی جه رگي هه ژاران
په يامی من به ره بو دوست و ياران
بڵێ خاکی غه ريبی بوو به شمان
ئه دی کوا ؟ ئه و بليسه ي ئاوری گه شمان
لهو کاتهوه هێزی پێشمهرگه کێشرایه ناو ئۆردوگاکان، لهو کاتهوه بهرگی پیرۆزی پێشمهرگانه لهبهر رێبهران داکندراو فڕێیان داو کۆت وشاڵواریان لهبهر کرد وکهراوات بوه مۆدێلی خهبات گێڕی، لهو کاتهوه که ههمو هێزو وزه تهنیا بۆ پارێزگاری له رێبهران وسهر کردهکان تهرخان کرا، لهو کاتهوه که باوهڕ به شۆڕشی جهماوهری کهم ڕهنگ بوهتهوه، لهو کاتهوه که خهباتی کوردی رۆژههڵات کرایه قوربانی باشووری کوردستان، لهو کاتهوه که چهک وفیشهک ونارنجۆک وههستی شۆڕشگێرانه وهلا نران وئهندامان وپێشمهرگه بهر درانه گیانی یهک تهنیا بۆ پاراستنی بهرژهوهندی ئهم یان ئهو سهر کرده، لهو کاتهوه پێشمهرگه لهشاخ هێندرایهوه شار وبه جیاتی ژیانی شۆڕشگێڕانه فێری ژیانی شهخسی کران، لهو کاتهوه که دیوارێکی چینایهتی لهنێوان سهر کردهو ژێر کردهدا کێشرا، لهو کاتهوه که ماڵێ پێشمهرگهو مهسئول، گوزهرانی ژیانی بهرپرس و بهر دهست لێک جیا کرایهوه، لهو کاتهوه خواردن وخواردنهوهی سهر کردهو بهر دهست جیاکرانهوه ههستی شۆڕشگێرانه مرد و حیزبهکان بهرهو ژیانی شهخسی وبازهرگانی هاندران و بیری شۆڕش بوو به پارساتنی رێبهران و چهند پێوهندیهکی دیپلۆماسی.
لهو کاتهوه که شههید وبنهماڵهکهی وپێشمهرگه بێ رێز وبێ بایهخ کران، لهو کاتهوه که له خهڵک تهنیا وهک ئامارز کهڵک وهر گیردرا، لهو کاتهوه که ههمو دروشمێکی شۆڕشگێرانه له چاوهڕوانیدا کورت کرایهوه، لهو کاتهوه که له خوێن و یادی شههید تهنیا بۆ کاتی پاکانهو دهر باز بوون له تاوانهکان بهکار دههێندرێت، ههم حیزبهکان وههم شؤڕش سهقهت کرا
بۆ خوێندنهوهی درێژهی بابهت له سهر ادامه مطلب کلیک بکه
گهلی کوردبه درێژایی تهمهنی خۆی له تێکۆشاندا بوه بۆ گهیشتن به ماف رهوا وئینسانیهکانی خۆی، لهم پرۆسهی تێکۆشانهدا قۆناغ گهلی جۆراو جۆری بڕیوهو جاریش بوه سهر کهوتن وجاریش بوه تێکشکانی به نسیب بوه، شۆڕش و بزوتنهوهی کوردی جاری وا بوه شێوازێکی خێڵهکی وعهشیرهتی بوه یان گروپێکی تایبهت بهم ئهرکه ههستاون.
پاش راپهڕینه جهماوهرییهکهی گهلانی ئێران له ساڵی1357ی ههتاوی که ئاکامهکهی بو به تێك ڕمانی دهوڵهتی پاشایهتی ئێران گهلی کورد بۆ گهیشتن به مافه رهواکانی، خۆی رێکخستهوه که ئهم جارهیان له چاو جارانی پێشتر شکڵ و قهوارهی تایبهتی تری ههبوو، رهوڵێکی پێشکهوتوانه تری ههڵبژارد ورێک وپێکتر خۆی رێک خست، ئهم جار رووناک بیران وتوێژه جیا جیاکانی ناو کۆمهڵگای کوردهواری سهریان ههڵداو بیری نوێ و چالاکی وههڵسورانی مۆدێرن تریان هێنایه ناو خهباتی کوردییهوه.
بۆ خوێندنهوهی درێژهی بابهت ادامه مطلب له سهر کلیک بکه
کوردستان به هۆی ههڵکهوته جۆغرافییهکهی و بارو دۆخێ کهخستویهته نێوان چهند دوژمنی دڕ ودیکتاتۆر ههلو مهرجێکی بهر سهر دا سهپاندوه که ههمو شتێک له لایهن داگیر کهر ودوژمنهکهیهوه دیاری کراوهو دهکرێت، ئهم نهتهوه به هۆی پاماڵ کردنی ههمو مافه کانی له لایهن داگیر کرانهوه به دهیان ساله ههوڵی داوهلهرێگای ئاشتی و هێمنایهتییهوه خهباتێکی همێنانه بۆ به دهست هێنانی مافه کانی درێژه پێ بدات.
ئهم گهله قهد نیهتی دهست درێژی وخوێن رشتن وکوشت وبڕ وتالان وبڕۆی نهبوه، بهڵکو بهر دهم بوهته ئامانجێک که له بهر تیر وزهبر وزهنگی تاڵان کهران وداگیر کهراندا بون، ئهم دوژمنه داگیر کهرانه تهنیا به
بۆ خوێندنهوهی درێژهی بابهت له سهر ادامه مطلب کلیک بکه
کورد حیزبی دروست کرد بۆ ئهوهی هێز و ئههرومێکی ببێت بۆ ململانی لهگهل داگیر کهر وبهرگری کردن له خۆی، بۆ ئهوهی ببێته بڵهندگۆیهک که ئازارهکانی گهلی بن دهستی کورد به گوێی ههمو ناوهندهکانی دهسهلات و پارێزهرانی مافی مرۆڤ له دونایادا بگهیهنێت، حیزبهکان دروست بون بۆ تێکۆشان له رێگای ئازادی ویهک سانی و رزگاری کوردی ههژاردا
بۆ خوێندنهوهی گشت بابهتهکه له سهر ادامه مطلب کلیک بکه
حیزب پێک دێت له کۆمهڵێک ئۆرگان ورێکخراوهی تایبهت که ههر کامهوه کارێکی دیاری کراو ئهنجام دهدات و ئهرکێک له ئهرکهکانی ئهو حیزبه به ئهستۆ دهگرێت، ههمو ئۆرگانه کان له پال ێهک دا دهبنه حیزبێک، ههمو ئۆرگانهکان له سهر ئهرک و ماندوبوونی ههڵسووڕاوانی، له سهر پێ راوهستاون وبهرێوه دهچن وئیداره دهکرێن
بۆ خوێندنهوهی درێژهی بابهتله سهر ادامه مطلب کلیک بکه